ایمیزون نے کینیڈا میں ایمیزون الیکسا پلس متعارف کرا دیا ہے، جو کمپنی کا اب تک کا سب سے اسمارٹ اور پروایکٹو جنریٹو AI اسسٹنٹ ہے۔ یہ نیا ورژن صارفین کے اندازِ گفتگو، ضروریات اور روزمرہ معمولات کو سمجھ کر زیادہ قدرتی اور تیز رفتار مدد فراہم کرتا ہے۔
Alexa گزشتہ آٹھ سالوں سے کینیڈین گھروں کا حصہ ہے، جسے لوگ ہر ماہ آدھے ارب سے زائد بار استعمال کرتے ہیں۔ اب Alexa+ اس تجربے کو مزید بہتر بنا رہا ہے، جس میں نیوٹرل گفتگو، ذاتی نوعیت کی تجاویز اور سمارٹ ہوم کنٹرول پہلے سے کہیں بہتر ہو گیا ہے۔
Alexa+ قدرتی انداز میں بات کو سمجھ کر فوری ایکشن لیتی ہے—جیسے لائٹس ایڈجسٹ کرنا، موسیقی چلانا، موسم بتانا، سفر کی تجویز دینا، خریداری میں مدد کرنا یا OpenTable، CBC اور دیگر سروسز سے ڈیٹا استعمال کرنا۔ نئے LLMs اور ایڈوانسڈ سسٹم کے باعث وہ مختلف سروسز سے منسلک ہو کر خودکار فیصلے کرنے کی صلاحیت بھی رکھتی ہے۔
یہ اسسٹنٹ کینیڈین کلچر کے مطابق تربیت یافتہ ہے اور علاقائی لہجوں، اسپورٹس، موسیقی اور مقامی موضوعات کا بہتر جواب دیتی ہے۔ Alexa+ گھر کے ہر فرد کی شناخت کر کے الگ الگ انداز میں رسپانس دیتی ہے، گھر کے ماحول کے مطابق خود فیصلے کرتی ہے اور ضروری کام خودکار طریقے سے انجام دیتی ہے۔
ایمیزون نے Alexa+ کے لیے نئی ای کو ڈیوائسز بھی لانچ کی ہیں، جن میں زیادہ تیز پراسیسنگ، میموری اور جدید سینسر شامل ہیں۔ Alexa+ پہلے مرحلے میں Early Access کے طور پر مفت دستیاب ہے، جبکہ بعد میں اس کی قیمت $27.99 CAD ماہانہ ہو گی۔ تاہم Prime ممبرز کیلئے یہ مکمل طور پر مفت رہے گا۔
کینیڈین صارفین آج سے Alexa+ Early Access میں شامل ہو سکتے ہیں، بشرطیکہ ان کے پاس نیا یا سپورٹڈ Echo ڈیوائس موجود ہو۔
