اے ایف سی ایشین فٹبال کپ کوالیفائرز کے تیسرے مرحلے میں شام نے پاکستان کو واضح شکست دے دی۔ اسلام آباد کے جناح اسٹیڈیم میں کھیلے گئے میچ میں مہمان ٹیم نے پاکستان کو 0-5 سے ہرا دیا۔
شام نے پہلے ہاف میں ایک گول کیا جبکہ دوسرے ہاف میں مزید چار گول اسکور کر کے برتری کو مضبوط بنا لیا۔ پاکستان ٹیم پورے میچ میں کوئی گول نہ کر سکی۔
شام کی جانب سے محمد الحلاق نے دو گول کیے۔ گروپ E میں شام پہلے ہی ایشین کپ کے لیے کوالیفائی کر چکا ہے اور مسلسل پانچوں میچ جیت کر اپنی پوزیشن مزید مضبوط کر لی ہے۔
