ایہیڈ فارم ٹیکنالوجی نے ای ایل ایف – وی ون کے نام سے ایک انتہائی حقیقت کے قریب انسان نما روبوٹ متعارف کرایا ہے، جو جدید مصنوعی ذہانت (اے آئی) سے کام کرتا ہے۔ یہ روبوٹ بایونک جلد اور قدرتی آنکھوں کی حرکات کے ساتھ تیار کیا گیا ہے۔ جس کی بدولت یہ محسوس کرنے، بات چیت کرنے، سیکھنے اور انسانوں سے قدرتی انداز میں پیش آنے کی صلاحیت رکھتا ہے۔
ای ایل ایف – وی ون میں 30 چہرے کے عضلات لگائے گئے ہیں جو برش لیس مائیکرو موٹرز کے ذریعے حرکت کرتے ہیں۔ یہ نظام انتہائی درست کنٹرول سسٹم سے منسلک ہے، جو روبوٹ کو انسانی تاثرات کو حیران کن مشابہت کے ساتھ ظاہر کرنے کے قابل بناتا ہے۔ یہ روبوٹ حقیقی وقت میں انسانی جذبات پہچاننے اور ان کے مطابق چہرے کے تاثرات بدلنے کی صلاحیت رکھتا ہے، جس سے یہ انسانوں سے قدرتی اور جاندار انداز میں بات چیت کر سکتا ہے۔ ایہیڈ فارم کے مطابق، Elf V1 کو دوستی، مدد اور انسانی ساتھ دینے کے لیے تیار کیا گیا ہے۔ یہ روبوٹ مستقبل میں ایسے انسان نما روبوٹس کی راہ ہموار کرے گا جو روزمرہ زندگی میں انسانوں کے ساتھ گھل مل کر کام کر سکیں گے۔
