اسلام آباد (ویب ڈیسک) – سردیوں میں اکثر موبائل فون صارفین شکایت کرتے ہیں کہ ان کی بیٹری معمول سے زیادہ جلد ختم ہو جاتی ہے۔ ٹیکنالوجی ماہرین کے مطابق کم درجہ حرارت بیٹری کے اندر کیمیائی عمل کو سست کر دیتا ہے، جس سے فون کی کارکردگی متاثر ہوتی ہے اور بیٹری اچانک ختم ہونے لگتی ہے۔ یہ مسئلہ تقریبا تمام سمارٹ فونز، آئی فونز اور دیگر الیکٹرانک آلات میں دیکھا جاتا ہے۔
سردیوں میں موبائل بیٹری اکثر 20 فیصد سے کم رہ سکتی ہے، جس کے باعث فون اچانک بند ہو سکتا ہے۔ ماہرین نے صارفین کو مشورہ دیا ہے کہ وہ شدید سردی میں فون کو براہِ راست ہوا کے سامنے نہ رکھیں اور اسے جیب یا کور میں رکھیں تاکہ ٹھنڈی ہوا سے محفوظ رہے۔ بیٹری کور استعمال کرنا بھی بیٹری کی حفاظت میں مددگار ثابت ہوتا ہے۔
بیٹری کی عمر اور کارکردگی کو برقرار رکھنے کے لیے ماہرین نے فون کو باقاعدگی سے چارج کرنے کی ہدایت دی ہے۔ اگر بیٹری مسلسل کم رہے تو فون کی کارکردگی متاثر ہو سکتی ہے۔ صارفین پاور سیونگ موڈ (Power Saving Mode) کا استعمال کر کے بیٹری کی کھپت کم کر سکتے ہیں۔ یہ موڈ پس منظر میں چلنے والی غیر ضروری ایپس کو بند کرتا ہے اور اسکرین کی چمک کو کم کرتا ہے، جس سے بیٹری دیر تک چلتی ہے۔
مزید براں، ماہرین نے صارفین کو ہدایت کی ہے کہ وہ فون کی اضافی ہیٹ یا کولنگ ایڈز استعمال نہ کریں، بلکہ بیٹری کی حفاظت قدرتی طریقے سے کریں۔ فون کے جدید ماڈلز میں بیٹری کی بہتر کارکردگی کے لیے سافٹ ویئر اپ ڈیٹس کو وقتاً فوقتاً انسٹال کرنا بھی ضروری ہے۔
