ایشز سیریز کے باکسنگ ڈے ٹیسٹ کے پہلے دن میلبرن کرکٹ گراؤنڈ میں شائقین کی تاریخی آمد دیکھنے کو ملی۔ کرک انفو کی رپورٹ کے مطابق، میچ کے پہلے دن 93,442 افراد اسٹیڈیم پہنچے، جو اس مقام پر کسی بھی ٹیسٹ میچ کے لیے اب تک کا سب سے زیادہ ریکارڈ ہے۔
پہلے اسٹیڈیم میں زیادہ سے زیادہ شائقین کی تعداد 2015 میں 93,013 تھی، لیکن اس بار جاری ایشز سیریز کے پہلے دن 9 سال پرانا ریکارڈ بھی توڑ دیا گیا۔
دلچسپ بات یہ ہے کہ شائقین کی یہ بڑی تعداد رائیگاں نہیں گئی، کیونکہ میچ کے پہلے دن دونوں ٹیموں کے بولرز نے شاندار کارکردگی دکھائی اور پہلے دن مجموعی طور پر 20 وکٹیں گریں۔
آسٹریلیا نے ہوم گراؤنڈ پر بیٹنگ کرتے ہوئے پہلی اننگز میں 152 رنز بنائے، جبکہ انگلینڈ کی ٹیم جواب میں صرف 110 رنز پر آؤٹ ہو گئی، جس سے کینگروز کے بولرز کی زبردست گرفت واضح ہوئی۔
