راولپنڈی کرکٹ سٹیڈیم میں کھیلے گئے فائنل میں پاکستان نے سری لنکا کو چھ وکٹوں سے ہرا دیا۔ پاکستان نے ٹاس جیت کر پہلے سری لنکا کو بیٹنگ کی دعوت دی، جس نے 19.1 اوورز میں 114 رنز بنائے۔ اس دوران ایک کھلاڑی 84 رنز تک آؤٹ ہوا۔ پاکستانی باؤلرز کی زبردست باؤلنگ کے باعث ابتدائی تین بلے بازوں کے بعد کوئی بھی کھلاڑی ڈبل فگر تک نہیں پہنچ سکا۔
سری لنکا کی جانب سے ’کامل مشارا‘ 59 رنز کے ساتھ نمایاں رہے۔ پاکستان کی باؤلنگ میں شاہین آفریدی اور محمد نواز نے تین، تین وکٹیں حاصل کیں، جبکہ ابرار احمد نے دو، اور سلمان مرزا اور صائم ایوب نے ایک، ایک وکٹ حاصل کی۔
جواب میں پاکستان نے 115 رنز کا ہدف صرف 18.4 اوورز میں چار وکٹوں کے نقصان پر حاصل کر لیا۔ صاحبزادہ فرحان نے ایک چھکا اور دو چوکے لگا کر 23 رنز بنائے۔ صائم ایوب نے 36 اور سلمان علی آغا نے 14 رنز کی اننگز کھیلی۔ کپتان بابراعظم نے 34 گیندوں پر 37 رنز بنا کر ناٹ آؤٹ رہے، جس میں ایک چھکا اور دو چوکے شامل تھے۔
میچ کے اختتام پر محمد نواز کو بہترین کارکردگی پر پلیئر آف دی میچ اور پلیئر آف دی سیریز قرار دیا گیا۔ گرین شرٹس نے اس فتح کے ساتھ رواں سال اپنی پانچویں ٹی ٹوئنٹی سیریز اپنے نام کر لی۔ تین ملکی ٹی ٹوئنٹی سیریز کا میچ پی ٹی وی سپورٹس پر براہ راست دکھایا گیا۔
