کراچی: عالمی اور مقامی بلین مارکیٹس میں سونے اور چاندی کی قیمتوں میں مسلسل دوسرے روز بھی نمایاں اضافہ ریکارڈ کیا گیا ہے، جس سے سرمایہ کاروں اور خریداروں کی توجہ ایک بار پھر قیمتی دھاتوں کی جانب مبذول ہو گئی ہے۔ عالمی سطح پر سونے کی قیمت میں اضافے کے اثرات پاکستان کی مقامی مارکیٹس میں بھی واضح طور پر دیکھے گئے۔
عالمی بلین مارکیٹ میں سونے کی قیمت 32 ڈالر اضافے کے بعد 4,456 ڈالر فی اونس تک پہنچ گئی۔ اسی اضافے کے باعث مقامی مارکیٹ میں 24 قیراط سونے کی قیمت 3,200 روپے اضافے کے ساتھ 467,962 روپے فی تولہ ہو گئی، جبکہ 10 گرام سونا 2,743 روپے مہنگا ہو کر 401,201 روپے میں فروخت ہوا۔
چاندی کی قیمتوں میں بھی اضافہ ریکارڈ کیا گیا، جہاں فی تولہ چاندی 338 روپے بڑھ کر 8,361 روپے تک جا پہنچی، جبکہ 10 گرام چاندی 290 روپے اضافے سے 7,168 روپے ہو گئی۔
گزشتہ روز بھی قیمتوں میں بڑا اضافہ
واضح رہے کہ پیر کے روز بھی سونے اور چاندی کی قیمتوں میں زبردست اضافہ ہوا تھا۔ عالمی بلین مارکیٹ میں سونے کی قیمت 92 ڈالر اضافے کے بعد 4,424 ڈالر فی اونس ہو گئی تھی۔
اسی کے ساتھ مقامی مارکیٹ میں 24 قیراط سونا 9,200 روپے مہنگا ہو کر 464,762 روپے فی تولہ تک پہنچا، جبکہ 10 گرام سونا 7,888 روپے اضافے کے بعد 398,458 روپے میں فروخت ہوا تھا۔ چاندی کی قیمت میں بھی پیر کے روز اضافہ دیکھا گیا تھا، جہاں فی تولہ چاندی 267 روپے اضافے سے 8,023 روپے اور 10 گرام 229 روپے اضافے کے بعد 6,878 روپے ہو گئی تھی۔
