پنجاب حکومت کا لاہور میں مزید چالیس الیکٹرک بسیں چلانے کا منصوبہ، وزیراعلی مریم نواز شریف 3 اکتوبر کو الیکٹرک بسوں کے نئے فلیٹ کا افتتاح کریں گی جس کے بعد لاہور میں الیکٹرک بسوں کی کل تعداد 67 ہو جائے گی۔ شہر لاہور میں مزید 40 بسیں شامل کرنے کے بعد روٹ کی ازسرنو تشکیل دی جائے گی۔الیکٹرک بسوں میں جدید سہولیات فراہم کی گئی ہیں، بسوں میں جی پی ایس، وائی فائی، یو ایس بی پورٹس اور خصوصی افراد کے لئے ریمپ کی سہولت دی گئی ہے۔ مخصوص نشستیں، خواتین کے لئے علیحدہ سیکشن اور ہراسیت سے بچاؤ کے لئے کیمرے بھی نصب کئے گئے، ان بسوں سے روزانہ تقریباً 43000 مسافر مستفید ہوں گے۔ کرایہ کی ادائیگی کے لئے ڈیجیٹل والٹ اور کارڈز کا استعمال کیا جائے گا، ایک ایپ کے ذریعے بس کی ٹریکنگ بھی کی جا سکے گی۔
