پاکستان سپر لیگ (PSL) میں دو نئے فرنچائز شامل کر دیے گئے ہیں، جہاں سیالکوٹ کی ٹیم کے لیے OZ Developers نے تاریخی 1.85 ارب روپے کی بولی جیت لی، جبکہ حیدرآباد کی ٹیم FKS گروپ کے حصے میں 1.75 ارب روپے کی بولی کے ساتھ آئی۔
بولی کے دوران OZ Developers اور سافٹ ویئر کمپنی i2c کے درمیان سخت مقابلہ دیکھنے کو ملا۔ آخرکار OZ Developers نے 1.85 ارب روپے کی بولی کے ساتھ ریکارڈ قائم کیا، جو PSL کی تاریخ میں سب سے زیادہ ہے۔ حیدرآباد کی بولی میں FKS گروپ نے i2c کو پیچھے چھوڑا۔
یہ دونوں شہر PSL میں پہلی بار حصہ لے رہے ہیں، جبکہ لیگ اس سال 26 مارچ سے 3 مئی تک کھیلی جائے گی۔ نئے فرنچائز کے لیے ممکنہ شہروں میں فیصل آباد، گلگت، حیدرآباد، مظفرآباد، راولپنڈی اور سیالکوٹ شامل تھے۔
لاہور قلندرز، اسلام آباد یونائیٹڈ، پشاور زلمی، کوئٹہ گلیڈی ایٹرز، کراچی کنگز اور ملتان سلطانز موجودہ لیگ میں کھیلتی ہیں۔
🔹 نئے فرنچائزز کے لیے سرمایہ کاروں کا مقابلہ
کل 10 گروپس نے بولی میں حصہ لیا، جن میں FKS، OZ Developers، i2c، جاز، پرزم ڈویلپرز، Aim Next Inc، Deharki Sugar Mills، Inverex Solar، VGO TEL اور Walee پاکستان شامل تھے۔
بولی کی تقریب واسم اکرم نے ہوسٹ کی، جب کہ PSL کے CEO سلمان ناصر بھی اسٹیج پر موجود تھے۔ PCB کے چیئرمین محسن نقوی نے بولی سے قبل رائزنگ اسٹار ایشیا کپ اور ہانگ کانگ سکسز کی فاتح ٹیموں کو نقد انعامات بھی دیے۔
اس سے قبل سابق ملتان سلطانز کے مالک علی طارین نے اعلان کیا کہ وہ اس سال بولی میں حصہ نہیں لیں گے، لیکن مداحوں کے لیے اسٹیڈیم میں موجود رہیں گے اور ٹیم فروخت ہونے پر حمایت جاری رکھیں گے۔
