مائیکروسافٹ نے ونڈوز 11 کے لیے ایک ایسا نیا فیچر متعارف کرانے کی تیاری شروع کر دی ہے جو صارفین کے کمپیوٹر استعمال کرنے کے انداز کو بدل سکتا ہے۔ اس اپڈیٹ کے تحت اے آئی ایجنٹس کو براہ راست ٹاسک بار میں شامل کیا جا رہا ہے، جس سے نہ صرف کام آسان ہوں گے بلکہ کئی ٹاسکس خودکار انداز میں انجام دیے جا سکیں گے، جو یوزرز کے لیے ایک بڑی سہولت ثابت ہوگا۔
ونڈوز 11 اپڈیٹ، ٹاسک بار پر اے آئی ایجنٹس نے سب بدل دیا کے تحت اب صارفین کو ایسے اسمارٹ ایجنٹس دستیاب ہوں گے جو ایپس، فائلز اور مختلف سسٹم ٹاسکس کو خود ہینڈل کر سکیں گے۔ یہ ایجنٹس ٹاسک بار پر اپنے آئیکنز کے ساتھ ظاہر ہوں گے اور ان کی سرگرمیوں کو براہ راست مانیٹر کیا جا سکے گا۔
ونڈوز 11 اپڈیٹ، ٹاسک بار پر اے آئی ایجنٹس نے سب بدل دیا (Windows 11 AI agents taskbar update) کے ذریعے صارفین یہ بھی دیکھ سکیں گے کہ کون سا ایجنٹ کس کام پر لگا ہوا ہے، جبکہ اسٹیٹس بیجز کے ذریعے یہ بھی ظاہر ہوگا کہ کوئی ٹاسک مکمل ہو چکا ہے یا مزید توجہ درکار ہے۔
اس نئے فیچر میں “Ask Copilot” باکس بھی شامل کیا گیا ہے، جو پرانے سرچ آپشن کی جگہ لے گا اور صارفین کو مختلف اے آئی ایجنٹس کے ساتھ براہ راست تعامل کی سہولت دے گا۔ اس میں مائیکروسافٹ کے اپنے اور تھرڈ پارٹی دونوں طرح کے ایجنٹس شامل ہوں گے۔
مائیکروسافٹ کے مطابق صارفین کی پرائیویسی کو مدنظر رکھتے ہوئے کسی بھی حساس ڈیٹا تک رسائی سے قبل اجازت لینا ضروری ہوگا۔ تاہم اس فیچر سے متعلق مزید تفصیلات ابھی سامنے آنا باقی ہیں اور امکان ہے کہ حتمی لانچ سے قبل اس میں مزید بہتری کی جائے گی۔
